شروط الاستخدام

١ القبول بالشروط

باستخدامك لمنصة ويبو — سواء بالتسجيل أو بربط متجرك أو باستخدام أي خدمة من خدماتنا — فإنت بتوافق على الشروط دي بالكامل. لو فيه أي بند مش موافق عليه، ياريت متستخدمش المنصة وتتواصل معانا الأول.

٢ الاستخدام المسموح

المنصة اتعملت عشان تساعدك تأتمت التواصل مع عملاء متجرك الإلكتروني بخصوص طلباتهم. مسموح تستخدمها في:

• إرسال إشعارات وتأكيدات الطلبات لعملائك الفعليين.
• تذكير العملاء بسلة متروكة أو باقة هتخلص.
• إرسال عروض أو حملات تسويقية لعملاء متجرك اللي وافقوا على استقبال رسايلك.

٣ مسؤوليتك كتاجر

إنت المسؤول الوحيد عن:

• محتوى الرسايل اللي بتتبعت من حسابك لعملائك.
• صحة أرقام الهواتف اللي بتراسلها وموافقة أصحابها على استقبال رسايل من متجرك.
• أي بيانات بتدخلها في المنصة (أسعار، أسماء منتجات، قوالب رسايل).

ويبو مش طرف في التعامل التجاري بينك وبين عملائك، ودورنا يقتصر على توصيل الرسايل وأتمتة التأكيدات بس.

٤ الاشتراك والدفع

خدماتنا بتتقدم بنظام اشتراك شهري حسب الباقة اللي تختارها. المبالغ المدفوعة غير قابلة للاسترجاع بعد بدء فترة الاشتراك، إلا في حالات استثنائية بنقدّرها إحنا.

• الدفع بيتم عبر بوابة دفع إلكترونية آمنة (Paymob).
• لو رصيدك من الرسايل خلص قبل نهاية الشهر، هتحتاج ترقية الباقة عشان تكمل الإرسال.
• عدم سداد رسوم الاشتراك في موعده بيعرّض حسابك للإيقاف المؤقت لحد ما يتم السداد.

٥ ربط رقم واتساب

الخدمة بتعتمد بشكل أساسي على ربط رقم واتساب خاص بيك أو بمتجرك. إنت مسؤول عن:

• التأكد إن الرقم شغّال ومش مربوط بحساب واتساب بيزنس رسمي بيستخدم API مختلف في نفس الوقت.
• الالتزام بسياسات واتساب الرسمية الخاصة بميتا لتجنب حظر الرقم.

٦ إيقاف أو إنهاء الحساب

بنحتفظ بحقنا في إيقاف أو إنهاء أي حساب بيخالف شروط الاستخدام دي، خصوصًا في حالات إرسال رسايل مزعجة أو محتوى مخالف للقانون. تقدر كمان تطلب إغلاق حسابك في أي وقت عن طريق التواصل مع الدعم الفني.

٧ تعديل الشروط

ممكن نعدّل الشروط دي من وقت للتاني عشان نواكب تطور الخدمة. أي تعديل جوهري هنعلمك بيه عبر واتساب أو البريد الإلكتروني المسجل بحسابك، واستمرارك في استخدام المنصة بعد الإشعار معناه موافقتك على الشروط الجديدة.

٨ تواصل معنا

لو عندك أي استفسار بخصوص شروط الاستخدام دي، تقدر تتواصل معانا عن طريق نظام الدعم الفني داخل لوحة التحكم، أو على الرقم 01032555129.